ފެންވަރުރަނގަޅު ހޮޓަލުގެ ޚިދުމަތް:

މޯލްޑިވްސް ޙައްޖު ކޯޕަރޭޝަން ލިމިޓެޑް މެދުވަރިކޮށް ޙައްޖަށްދާފަރާތްތަށް ހުރުމަށް ހަމަޖައްސާފައި ވަނީ 4 ތަރީގެ ފެންވަރު ރަނގަޅު ހޮޓަލެއްގައެވެ. އަދި މި ހޮޓަލަކީ ޖާގަ ތަނަވަސް، ސާފްތާހިރު އަދި އެހާމެ ހިއްފަސޭހަ ހޮޓަލެކެވެ. އަދި ޙައްޖާޖީނަށް ދިމާވެދާނެ ދަތިތަށް ބަލައި އެކަމަށް ހައްލު ހޯދައިދިނުމަށް އަޅުގަނޑުމެންގެ ކައުންޓަރެއް މި ހޮޓަލުގައި ގާއިމު ކުރެވިފައިވާނެއެވެ. އަދި މި ކައުންޓަރުން ޙާއްޖާޖީނަށް 24 ގަޑިއިރު ޚިދުމަތްދެވިގެން ދާނެއެވެ.

.

ފެންވަރުރަނގަޅު ދިވެހި މީރުރަހަތަށް:

މޯލްޑިވްސް ޙައްޖު ކޯޕަރޭޝަން ލިމިޓެޑުން ހަމަޖައްސާފައިވާ ހޮޓަލުގައި ކެއުމަށް ޙާއްޞަ ހޯލެއް ހުންނާނެއެވެ. މިހޯލުން ދިވެހި ކައްކާއިން ތައްޔާރުކޮށްފައިވާ އެކި ބާވަތްތަކުގެ ރަހަމީރު ދިވެހި ކާނާގެ ބުފޭގެ ޚިދުމަތް ލިބެން ހުންނާނެއެވެ. އަދި މިގޮތުން ހެނދުނުގެ ސަޔާއި، މެންދުރުގެ ކެއުމާއި، އަދި ރޭނގަނޑުގެ ކެއުން ކޮންމެ ދުވަހަކުވެސް ލިބިގެން ދާނެއެވެ. އަދި މީގެއިތުރަށް ހަވީރުގެ ސައި ކޮންމެ ހަފްތާއަކު 3 ދުވަހު ލިބެން ހުންނާނެއެވެ.

ޙައްޖު ކިޓް:

ޙަޖުގެ ޕެކޭޖުގެ ތެރެއިން ކިޓުގެ ސާމާނުވެސް ޙައްޖާޖީނަށް ފޮރުކޮށްދެވޭނެއެވެ. މިގޮތުން ފޮށި، އަތްދަބަސް، އުނަގަނޑުއަޅުވާ ދަބަހާއި، ޒީނަތްތެރިވާ ސާމާނު އަޅާ ދަބަހާއި، ފައިވާންލާ ގޮތަޅާއި، އިޙުރާމާއި، ޙައްޖު ފޮތް އަދި ދުވާކާޑު ހިމެނެއެވެ.

ޙައްޖުވެރިންނަށްދޭ ތަމްރީނު ޕްރޮގްރާމް

ދީނީ މަޢުލޫމާތު ދިނުމަށާއި ދަރުސް ދިނުމަށް ދީނީ ޢިލްމުވެރިން ދަތުރުގައި ބައިވެރިވާނެއެވެ. އަދި ކޮންމެ ދުވަހަކު ދަރުސްތަށް އިންތިޒާމް ކުރެވިފައިވާނެއެވެ.

ދީނީ މަޢުލޫމާތު އަދި ދަރުސްތަށް ދިނުން:

ޙައްޖާޖީން ހޭލުންތެރި ކުރުމައްށާއި، ޙައްޖުގެ އަޅުކަން ފުރިހަމައަށް އަދާކުރުމަށް އެހީތެރިވުމާއި އަދި ޙައްޖާޖީގެ ސުވާލުތަކަށް ޖަވާބުދިނުމަށް، ތާވަލުކޮށްގެން ޙައްޖު ތަމްރީނު ދެވިގެންދާނެއެވެ. މި ތަމްރީނުތަކުގައި ޙައްޖާޖީނަށް އެކަށީގެންވާ ރަނގަޅު ޚިދުމަތެއް ފޯރުކޮށްދިނުމުގެ ގޮތުން ބިލެއްމީރުމުކުމުގެ އިންތިޒާމުވެސް ހަމަޖެހިފައިވާނެއެވެ.

ކްލިނިކްގެ ޚިދުމަތް:

ސިއްހީ ފަރުވާ ދިނުމަށް ކްލިނިކްއެއް ހޮޓަލުގައި ޤާއިމްކުރެވިފައިވާނެއެވެ. އަދި މިކްލިނިކުން ދިވެހި ޑޮކްޓަރުން ނާއި ނަރުހުން 24 ގަޑީއިރު ޙައްޖާޖިންގެ ޚިދުމަތުގައި ހުންނާނެއެވެ.

ޒިޔާރަތް ދަތުރުތަށް:

ޙައްޖާޖީންނަށް ޙައްޖުގެ ތަޖުރިބާ ރަނގަޅުކުރުމަށް ކޮންމެ ޙައްޖު ދަތުރެއްގައިވެސް މައްކާ އަދި މަދީނާގެ މުހިނމު ތަންތަނަށް ޖިޔާރަތް ދަތުރުތަށް އިންތިޒާމު ކުރެވިފައިވާނެއެވެ. މި ޒިޔާރަތް ދަތުރުތަށް އިންތިޒާމު ކުރެވިފައިވަނީ ދުރާލާ ރާވައި ތާވަލު ކުރެވިގެންނެއެ

ޙައްޖުގެ ޕެކޭޖުގެ އިތުރުން ލިބޭ ޚިދުމަތްތަށް:

އަޅުގަނޑުމެންގެ ޙައްޖުގެ ޕެކޭޖުގެ ތެރެއިން މެޑިކަލް ހައްދައިދިނުން ނުވަތަ ވެކްސިން މުޅިން ހިލޭ ޖެހިވިގެން ދާނެއެވެ. އަދި ޙައްޖު ތަކާފުލް އިންޝުއަރެންސްގެ އިތުރަށް ދަތުރުގައި ބައިވެރިވާ ކޮންމެ ޙައްޖާޖީއަކަށް 5 ލީޓަރުގެ ޒަމްޒަމް ފެންފުޅިއެއްވެސް ލިބިގެންދާނެއެވެ.

ޙައްޖަށް ރަޖިސްޓަރީ ވާނީ ކިހިނެއް؟

މޯލްޑިވްސް ޙައްޖު ކޯޕަރޭޝަންގެ ފަރާތުން ޙައްޖަށް ދާން އެދޭނަމަ، ކުންފުނީގެ މެމްބަރެއްގެ ގޮތުގައި ރަޖިސްޓްރީވާން ޖެހޭނެއެވެ. އެގޮތުން ކޯޕަރޭޝަންގެ "ޚިދުމަތަށްއެދޭ ފޯމް" ފުރިހަމަކޮށް ހުށަހެޅުމުން، ކޯޕަރޭޝަންގެ މެމްބަރެއްގެ ގޮތުގައި ރަޖިސްޓްރީކުރެވޭނެއެވެ.

ޙައްޖުއަށް ހުޅުވޭނެ އެކައުންޓްތަކަކީ ކޮބާ؟

• ލަމްޕްސަމް އެކައުންޓް:

"ޙައްޖު ލަމްޕްސަމް" އެކައުންޓެއް ހުޅުވުމަށްޓަކައި ޖެހޭނީ، ޙައްޖުގެ އަގު އެއްކޮށް ނުވަތަ ޙައްޖަށް ކަނޑައެޅިފައިވާ އަގުގެ %75 (ހަތްދިހަ ފަހެއް އިންސައްތަ) ހަމަ ކުރަންށެވެ. މިގޮތަށް ފައިސާ ދައްކާ މެމްބަރުން ވަގުތުން ޙައްޖު ޖާގަ ކިއު ލިސްޓްގައި ހިމެނިގެންދާނެއެވެ. މިގޮތުން ކިއު ތަރުތީބުން އެއަހަރަކު ކޯޓާ ލިބޭމިންވަރަކުން ޙައްޖަށް ދިއުމުގެ ފުރުސަތު ކޮންމެ ބޭފުޅަކަށްވެސް ލިބިގެން ދާނެއެވެ.

• ސޭވިންގް އެކައުންޓް:

"ސޭވިންގް" އެކައުންޓަކީ ޙައްޖަށް ދިއުމުގެ އުއްމީދު އޮތް ކޮންމެ ދިވެހި ރައްޔިތަކަށްވެސް ބައިވެރި ވެވޭނެ ގޮތަށް ބައްޓަންކޮށްފައިވާ އެކައުންޓެކެވެ. މި ޕެކޭޖުގައި ބައިވެރިވެވަޑައިގަންނަވަން ބޭނުންފުޅުވާ ފަރާތަކުން އެއިރަކު ބޭނުންވާފުޅުވާ މިންވަރަކަށް ސޭވިން އެކައުންޓަށް ފައިސާ ޖަމާކޮށްގެން ޙައްޖުގެ ޖުމްލަ އަގު ދައްކާ ހަލާސް ކޮއްލެވޭނެއެވެ. އަދި "ލަމްޕްސަމް" ޕްކޭޖްއެކޭވެސް އެއްއުސޫލުން ޖާގަ ކަޝަވަރުވާނީ ޙައްޖަށް ކަނޑައެޅިފައިވާ އަގުގެ %75 (ހަތްދިހަ ފަހެއް އިންސައްތަ) އަށްވާ ފައިސާ ހަމަވުމުންނެވެ. އަދި ކިއު ތަރުތީބުން އެއަހަރަކު ކޯޓާ ލިބޭމިންވަރަކުން ޙައްޖަށް ދިއުމުގެ ފުރުސަތު ކޮންމެ ބޭފުޅަކަށްވެސް ލިބިގެން ދާނެއެވެ.

ރިޓެއަރމަންޓް ޕެންޝަން ސްކީމް މެދުވެރިކޮށް ޙައްޖަށްދާނީ ކިހިނެއް؟

ރިޓެއަރމަންޓް ޕެންޝަން ސްކީމް މެދުވެރިކޮށް ޙައްޖައްދެވޭނީ ދިވެހިރާއްޖޭގެ ޕެންޝަނާބެހޭ ޤާނޫނުގައި ބަޔާންކޮށްފައިވާ ގޮތުގެމަތިންނެވެ. މިގޮތުގެ މަތިން ޝަރުތު ހަމަވާ ބޭފުޅުން މިކުންފުނީގެ ޚިދުމަތަށްއެދޭ ފޯމު ފުރިހަމަށް، ފޯމުގައި ބަޔާންކޮށްފައިވާ ތަކެއްޗާއި އެކު ހުށަހަޅައި، ޙައްޖުގެ އަގުގެ %20 އަށް ވާފައިސާ ދަށްކާފައިވާނަމަ އެފަރާތްތަކަށް ފައިސާ ރިޒާވްކޮށްދިނުމަށް އެދި ޕެންޝަން އޮފީހާ ޙިއްސާކުރެވޭނެއެވެ. އަދި މޯލްޑިވްސް ރިޓަރމަންޓް ޕެންޝަން ފަންޑްގެ ފައިސާ ރިޒާވްކުރެވިފައިވާކަން ޕެންޝަން އޮފީހުން މިކުންފުންޏަށް އެންގުމާއެކު ޙައްޖު ޖާގައެއް ހަމަޖައްސައިދެވޭނެއެވެ. އެހެންނަމަވެސް ޙައްޖު ޖާގަ ލިބިގެންދާނީ އެހެން ބޭފުޅުންނެކޭވެސް އެއް އުސޫލުން ކިއު ތަރުތީބުންނެވެ.