ކުންފުނީގެ ތާރީހުގައި ހިގާފައިވާ މުހިއްމު ކަންތައްތަކާއި އުސްއަލިތަށް

• 16
  

  ޢުމްރާގެ ޚަރަދު ކުޑަކޮށް، ކުންފިނިން ފޯރުކޮށްދޭ ޢުމްރާގެ ޚިދުމަތްތަށް އިތުރަށް ހަރުދަނާކުރުމަށް ޢުމްރާ ވިސާ އެޖެންޓެއްގެ ގޮތުގައި ރަޖިސްޓްރީވެ، ޢުމްރާ ވިސާގެ ޚިދުމަތް ފޯރުކޮށްދޭން ފެށުނެވެ.

  2021
• 15
  

  ހައްޖާއި ޢުމްރާއާއި ގުޅޭގޮތުން ހޭލުންތެރިކަން އިތުރުކޮށް، އަޅުކަން ފުރިހަމަގޮތުގައި އަދާކުރުމަށް އެހީތެރިވުމުގެގޮތުން "އެމް.އެޗް.ސީ.އެލް ޙައްޖު ޓްރެއިނިންގ" އިފްތިތާހުކުރެވުނެވެ.

  2021
• 14
  

  ޙައްޖާއި ޢުމްރާއަށް ރައްޔިތުން ހޭލުންތެރި ކުރުމާއި އަޅުކަމަށް ޝައުގުވެރި ކުރުމުގެ ގޮތުން “ފަސްވަނަރުކުން” ޕްރޮގްރާމް އިފްތިތާހުކުރެވުނެވެ.

  2021
• 13
  

  ކޮވިޑް 19 ގެ އާލަމީވަބާއާއި ގުޅިގެން ކުންފުނީގެ ޚިދުމަތްތައް ފަސޭހައިން ފޯރުކޮށްދިނުމަށް ހުރިހާ ޚިިދުމަތެއް އޮންލައިންކޮށް ލިބޭނެ އިންތިޒާމް ހަމަޖައްސައިދެވުނެވެ.

  2020
• 12
  

  ކުންފުނިތަކުގެ މުއައްޒަފުން ހައްޖަށް ފޮނުވުމުގައި ފަސޭހަ އިންތިޒާމެއް ހަމަޖެއްސުމަށްޓަކައި ”ކޯޕަރޭޓް މެމްބަރޝިޕް ސްކީމް” އިފްތިތާހު ކުރެވުނެވެ.

  2020
• 11
  

  އެއްފަހަރު ބޭނުންކޮށް އުކާލެވޭ ޕްލާސްޓިކް ބޭނުންކުރުން މަދުކުރުމުގެ ގައުމީ ކެމްޕޭނުގައި ބައިވެރިވުމުގެގޮތުން “ޕްލާސްޓިކް ނޫން ގޮތެއް” ހަރަކާތް އިފްތިތާހުކުރެވުނެވެ.

  2019
• 10
  

  ޚިދުމަތުގެ ފެންވަރު ރަނގަޅުކުރުމަށާއި ހިންގުމުގެ ޚަރަދު ކުޑަކުރުމަށް މ.ފުރަންކަރާގެ 3 ވަނަ ފަންގިފިލާއަށް މޯލްޑިވްސް ޙައްޖު ކޯޕަރޭޝަންގެ އޮފީސް ބަދަލުކުރެވުނެވެ.

  2019
• 9
  

  ކުންފުނިން ފޯރުކޮށްދޭ ޚިދުމަތްތަކުގެ މައުލޫމާތު ފެތުރުމާއި ޚިދުމަތްތައް މާކެޓްކޮށް ފުޅާކުރުމަށްޓަކައި މާކެޓިންގ އޭޖެންޓުން އައްޔަންކުރެވުނެވެ.

  2019
• 8
  

  އުމުރުން ދުވަސްވީ ފަރާތްތަކާއި ބޮޑެތި ބަލިތައް ތަހައްމަލުކުރަމުންދާ ފަރާތްތަކައް އިސްކަންދިނުމުގެގޮތުން ޙައްޖު ކޯޓާގެ 10% އަދި 5% ޚާއްސަކުރެވުނެވެ.

  2019
• 7
  

  މޯލްޑިވްސް ރިޓަޔަރމެންޓް ޕެންޝަން ސްކީމުން ފަރުޟު ހައްޖުގެ އަގުގެ ބައެއް އަދާކުރުމަށް ފައިސާ ދޫކުރުމާއި ގުޅޭ ފަހުމުނާމާ ގައި މޯލްޑިވްސް ޕެންޝަން އެޑްމިނިސްޓްރޭޝަން އޮފީހާއިއެކު ސޮއިކުރެވުނެވެ.

  2019
• 6
  

  ޙައްޖާއި އުމްރާގެ ދަތުރުތަކުގެ ސިއްޙީ އިންތިޒާމުތަށް ހަމަޖެއްސުމާއިގުޅޭ ފަހުމުނާމާގައި އައި.ޖީ.އެމް ހޮސްޕިޓަލާއިއެކު ސޮއިކުރެވުނެވެ.

• 5
  

  ލުއިފަސޭހަ ކަމާއެކު އޮންލައިންކޮށް ކުންފުނީގެ ޚިދުމަތް ފޯރުކޮށްދިނުމަށް ފަހެލި ޕޯޓަލް އިފްތިތާހު ކުރެވުނެވެ.

  2017
• 4
  

  1435 ވަނަ އަހަރުގެ ޙައްޖު ދަތުރާއި އެކު ކުންފުނީގެ ޙައްޖު ދަތުރުތައް ފެށިގެންދިޔައެވެ.

  2014
• 3
  

  1435 ވަނަ އަހަރުގެ ރަމަޟާން މަހުގެ ޢުމްރާ ދަތުރާއި އެކު ކުންފުނީގެ ޢުމްރާ ދަތުރުތައް ފެށިގެންދިޔައެވެ.

  2014
• 2
  

  މޯލްޑިވްސް ޙައްޖު ކޯޕަރޭޝަން ލިމިޓެޑްގެ އޮފީސް ގާއިމުކުރެވުނެވެ.

  2014
• 1
  

  ރައީސުލް ޖުމްހޫރިއްޔާގެ ގަރާރަކުން މޯލްޑިވްސް ޙައްޖު ކޯޕަރޭޝަން ލިމިޓެޑް އުފެދުނެވެ

  2013