ބޯޑް މެންބަރުން

އަލްއުސްތާޛް އަޙްމަދު މުޢާޒް މަންޞޫރު, މޯލްޑިވްސް ޙައްޖު ކޯޕަރޭޝަން ލިމިޓެޑްގެ ބޯޑުގެ ނޮންއެގްޒެކެޓިވް މެމްބަރެއްގެ ގޮތުގައި އައްޔަނުކުރެވުނީ 26 ޑިސެމްބަރ 2023 ގައެވެ. އަލްއުސްތާޛް އަޙްމަދު މުޢާޒް މަންޞޫރުވަނީ ޕޯސްޓް ގްރެޑުއޭޓް ޑިޕްލޮމާ އިން ޓީޗިންގ އަދި ބެޗެލަރ އޮފް އެޑިއުކޭޝަން އިން ޝަރީޢާ އިސްލާމިއްޔާ ޙާސިލްކުރައްވާފައެވެ. މީގެ އިތުރުން މި ބޭފުޅާއަކީ ދިވެހިރާއްޖޭގެ ޤާނޫނީ ވަކީލުކަން ކުރެއްވުމުގެ ހުއްދައާއި، ދިވެހިރާއްޖޭގައި ދީނީ ނަޞޭޙަތްދިނުމުގެ ހުއްދަ އަދި އިމާމްވެ، ހުކުރު ކުރުމުގެ ހުއްދަ އޮންނަ ބޭފުޅެކެވެ.

އަލްއުސްތާޛް އަޙްމަދު މުޢާޒް މަންޞޫރަކީ ބިލަބޮންގް އިންޓަނޭޝަނަލް ސްކޫލުގެ އިސްލާމް ޓީޗަރެއްގެ ވަޒީފާ އަދާކުރައްވަމުން އަންނަ ބޭފުޅެކެވެ. އަލްއުސްތާޛް އަޙުމަދު މުޢާޒް މަންޞޫރު އަކީ ސަރުކާރާއި އަމިއްލަ ޙައްޖު އަދި ޢުމްރާ ގްރޫޕްތަކަށް ޚިދުމަތް ފޯރުކޮށްދިނުމުގައި ގިނަ އަހަރުތަކެއްގެ ތަޖުރިބާ ލިބިވަޑައިގެންފައިވާ ބޭފުޅެކެވެ.

އަލްފާޟިލް ޔޫސުފް ޠަލާލް ޙުސައިން ,މޯލްޑިވްސް ޙައްޖު ކޯޕަރޭޝަން ލިމިޓެޑްގެ ބޯޑުގެ ނޮންއެގްޒެކެޓިވް މެމްބަރެއްގެ ގޮތުގައި އައްޔަނުކުރެވުނީ 26 ޑިސެމްބަރ 2023 ގައެވެ. ޔޫސުފް ޠަލާލް ޙުސައިން އަކީ ޙައްޖާއި ޢުމްރާގެ މަސައްކަތްތަކުގައި ފާހަގަކޮށްލެވޭ ފަރާތެކެވެ. ސަރުކާރާއި އަމިއްލަ ޙައްޖު އަދި ޢުމްރާ ގްރޫޕްތަކަށް ޚިދުމަތް ފޯރުކޮށްދިނުމުގައި 19 އަހަރަށްވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ ބޭފުޅެކެވެ. ޠަލާލަކީ އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) އިން ޢަރަބި ބަހުގެ ޑިޕްލޮމާ ހާސިލް ކުރައްވާފައިވާ ބޭފުޅެކެވެ.